Vit takka hjartaliga fyri allan stuðul, ið var latin listauppboðsøluni og góðu móttøkuni, aftur hesuferð 😀
Fríggjadagin gjørdu vit klárt. Koyrdu listaverk oman í Finsen, settu stólar, borð og pall upp.
Leyardagin var sostatt bert eftir at gera kaffi og lata dyrnar upp. Tey vitjandi fingu bjóðað ein drekkamunn við lagkøku, ein faldara við upplýsingum um øll listaverkini og møguleika at síggja øll verkini.
Kl 14 var Bárður Persson klárur við kunning um, hvussu bjóðast skuldi og síðan fór uppboðsølan ígongd. Tað gekk skjótt! Kl 15.30 var liðugt bjóða og bert eftir hjá okkum at handa listaverk til keyparar og rudda av.
Ein sera væleydna listauppboðsøla og takka vit fyri gott samstarv við øll listafólk og stóra áhugan og stuðul ið tey vitjandi og keyparar vístu uppboðsøluni.
Vit gleða okkum longu til næstuferð 😀
