Nú Fountainhúsið hevur fingið bil, hava vit møguleikan at gera útferðir runt um í Føroyum og annars avgreiða ørindir og arbeiðsuppgávur, sum hoyra til húsið uttan nakað hóvasták.
Møguleiki er eisini fyri, at limir í húsinum kunnu heinta fólk, sum av ein ella aðari orsøk ikki hava møguleika fyri sjálvi at koma til arbeiðis í Fountainhúsinum.
Tað kann, fyri nøkur, vera ein hjálp í fyrstani at verða heintað/ur, fyri síðani at arbeiða fram ímóti at brúka almennan flutning.
Vit øll gleðast um at hava fingið ein bil knýttan at Fountainhúsinum - og síggja fram til at fáa nógva gleði og nyttu burtur úr bilinum.
