Í gjár vóru vit í Mentanarhúsinum í Fuglafirði til útgávukonsert hjá Rõkkvi. Ein sera væl eydna konsert í góðum kørmum og nógvum fólki. Ein spennandi tónleikaútgáva við sangtekstum og upplivingum hjá Rógva, har ein fær innlit í, hvussu lívið til tíðir hevur verið torført og krevjandi, og har m.a sangskrivingin og tónleikurin hava hjálpt honum at koma ígjøgnum hesar tíðir. Afturat sær hevur Rógvi nakrar sera dugnaligar tónleikarar. Vit ynskja Rõkkvi góða eydnu framyvir og góða tónleikaferð til Danmarkar og Grønlands í komandi døgum.
