Mikudagin 1. apríl høvdu vit 1 ára føðingardag. Í hesum sambandi var opið hús frá kl. 14-17. Nógv fólk vóru inni á gólvinum og heilsaðu uppá føðingardagsbarnið.
Sigast kann, at gestirnir ikki komu til fánýtis. Teir fingu mang gott, bæði til góman og oyrað.
Fountaintónar (bólkur og kór) høvdu fleiri framførslur í kjallaranum, og solisturin Rökkvi framførdi eisini egin løg.
Føðingardagurin riggaði stak væl, góðar framførslur, gott lag og nógvir gestir á gátt.
Fountainhúsið takkar fyri allar vitjanirnar, gávurnar og blómurnar.
